lundi 14 avril 2014

Nos Fierté de Maggy Musch (Braine-Le-Château)


Nos Fierté

Bi stampé, sû in pî,
Au mitan d' nos grand-place,
Il est toudi l' premi
A l' fièsse, les djous d' ducasse....

A 2 pas du cloki,
Au khieür dès nos villâdge,
A costé du Bailly,
I nos pârle d'in aut' âdge.

En' d'a-t-i vu passer!
Des vertes yè des ni meûres,
Despu qu' on l' a dressé,
Dè toutes les couleurs !

Des moûdreux, des mandrins,
Qu'on mettout dins s' gayolle,
Voleûrs des grands tchèmins;
Des monsieurs yè des drôles.

In djou, nos raconte-t-on,
On a volu nos l' prinde...
Les Brainois d'in seüle bond,
Sont dèskindus l'dèsfinde !

C'est què pour nous, viez !
Quand nos stons long d' èd-ci...
Quand nos sondgeons à Braine
Nos viions s' pilori.

Si less Bruslérs sont fièrs dè leu bellè grand-place,
Les Liedgeois d' leu perron,
Tournai dè ses clokis...
Les Brainois, yeusse, i-z-ont, au mitan d'leu grand-place,
Bi stampé, yè bi fièr,
Leur bia vi pilori.

Maggy Musch
(écrit dans les années 80)


Merci Marianne, Merci Jean-Marc !

Aucun commentaire:

Enregistrer un commentaire