jeudi 26 mars 2015

Mârs de Franz Dewandelaer



Paysage en mars


De Franz Dewandelaer :
« Mârs »



 

Mârs... mwè des vias, mârs... mwè des omes...
(puskè les omes, c’est tout pur´ vias)
Mârs... i tchét des vint-di-godome !
Sul temps qu’èl temps fét tchér ses « vias »
Mârs...
Après ’n sûnéye, c’est ’n suwéye,
On n’est nin co rsuwé d’ène nuwéye,
Què les guèrjas fzont ’l cabouléye...
« Austant d’brouyârds in mârs
» Austant d’djèléyes in avri... »
« Brouyârd dè mârs
» Djèléye dè mai... »
« Saint Aubia
» Trop d’goria.
» Sinte Hélène
» Pau d’avin.ne.
» Sinte Djèdru
» Tapez trop dsu... »
« Èl lune dè mârs, l’âra...
» Mins ’l solèy´ dè mârs rostit d’djà »
« Quand i toune dins ’l mwè d’mârs,
» Èl cinsî dwèt dire, hélâs... »
« Fwèd mârs èyè tchaud avri
» Fèzont les grègnes sè rimpli »
« Quand l’abricotî poûrte ses fleûrs
» Les djoûs, les nût´ ont minme longueur »

Mârs... Marguèrite a ’s pate casséye
In dalant à tchambouréyes.
Mârs... L’a des tchambouréyes au bos
Vènez, nos dirons, Mardjo...
Èl printemps dvint bleû come no n-amoûr,
Yè l’amoûr brûle come vo coûrp.
Dins vo coûrp, vo keûr soune èl tocsin
Dèstindone èl feú, radmint...
L’a des tchambouréyes au bos
Vènez, nos dirons, Mardjo...
Dins ’l solèy´, les fleûrs yè les mouchons
Padvant tout ’l monde sè mariont
Poukè nos n’nos maririne nin ’n sadju,
Pou in eûre... ou minme dè pus ?
L’a des tchambouréyes au bos
Vènez, nos dirons, Mardjo...
Au fond du bos, n’criyîz nin surtout
– parèt qu’èl gârde est djalou,
N’a poun d’avance à djumi : « Moman... »
Èl vote l’a d’djà dit dins ’l temps...
L’a des tchambouréyes au bos
Vènez, nos dirons, Mardjo...
Al brune, intrè les ayes mîches in rang
Nos rvérons in nos rsèrant
Nos mains sâront vûdes, mès l’èstwèlî
Sâra plein d’fleûrs... dins vos îs.
 L’a des tchambouréyes au bos
Vènez, nos dirons, Mardjo...
.   .   .   .   .   .   .   .   .   .   .   .   .
Marguèrite a yeû ’n pèpéye,
Ça vaut mieú qu’ène djambe casséye
In dalant à tchambouréyes...
.   .   .   .   .   .   .   .   .   .   .   .   .  .
Yè quand mârs èsst´ èvoye, on s’dit :
« Dj’ai minti, djè mins, d’vas minti,
» D’vas minti, djè mins, dj’ai minti »
Tout au long d’mârs ça va dinsi
Minme les avocats ont minti.

                                  Franz Dewandelaer



Du manuscrit de l’auteur : C’est Carnèvâl dins ’l calendié.
Ce manuscrit reprend tous les mois de l’année et fait partie du recueil  Carnèvâl,  daté de 1936, dont un extrait est paru dans l’édition de Jean Guillaume.

Jean Guillaume, Franz Dewandelaer – Œuvres poétiques, édition critique, Société de Langue et Littérature wallonnes, Liège, 1970.

 transmis par Monsieur Chapelle

lundi 16 mars 2015

Atèlier walon à Waterloo

Bondjoû Mésse,

El Cente du 3ème âdje "El Djibloux" dè Waterloo cache après ène animatrice ou in animateûr bènèvole pou "diridjî" l'atèlier walon 'l mèrcrèdi après-din.ner paskè Madame Ida Lievens (qui djouwe dins "Les pas pierdus" va prinde ès' pension.  Est-ce què vos volez bin passer 'l mèssâdje à toutes vos counichances in leû dîjant qu'is povont s'adrèssî au Sèrvice Animâcion du Djibloux in fèzant 'l 02/3523621 ou 'l 02/3523620 ou bin in scrivant un "mail" à l'adrèsse qui sût : anne.ghorain@cpaswaterloo.be.

Mèrci branmin des cous et scuséz-m' pou lès fautes.



Thérèse Deboulle

(demande transmise par Mr Chapelle)

jeudi 12 mars 2015

jeudi 5 mars 2015

Eurêkoi !?

 
Vos bibliothécaires vous répondent en moins de 72h, service gratuit !
 
 
Diverses bibliothèques du Brabant wallon participent aussi à ce service!
Vous trouverez sur leur site un lien vous permettant de poser votre question...
Alors... Interrogez directement votre bibliothèque favorite!

L'ambicion de Willy Chaufoureau : tél'mint vré !




transmis par Monsieur Chapelle